Mbrëmjen Muzikore Festive më 28 Nëntor 2026 në Helsinki

Rrjeti i Bizneseve Shqiptare në Finlandë (RRBSH) fton anëtarët dhe komunitetin shqiptar në një mbrëmje festive më 28 nëntor 2026, në Vanha Ylioppilastalo, Helsinki. Programi përfshin Mbledhjen e Kuvendit, koktejin dhe një mbrëmje muzikore me artistët e njohur shqiptarë Sinan Vllasaliu dhe Robert Berisha.

Një mbrëmje për komunitetin dhe bashkëpunimin

Mbrëmja synon të bashkojë komunitetin e biznesit shqiptar në Finlandë, të forcojë lidhjet mes anëtarëve dhe të krijojë hapësirë për bashkëbisedim, rrjetëzim dhe bashkëpunim. Përveç programit muzikor, aktiviteti do të përfshijë Mbledhjen e Kuvendit, gjatë së cilës do të diskutohen çështje të organizatës dhe e ardhmja e saj.

Programi i mbrëmjes

18:00–20:00 | Mbledhja e Kuvendit dhe kokteji Gjatë kësaj pjese do të mbahet Mbledhja e Kuvendit, ku do të trajtohen çështje të organizatës dhe zgjedhja e Kryesisë së re. Bileta për anëtarët me të drejtë vote, të cilët kanë paguar anëtarësinë, mbulohet nga RRBSH-ja. Programi përfshin edhe koktejin. Nga ora 20:30 | Mbrëmje muzikore festive Mbrëmja vazhdon me performancat e artistëve shqiptarë Sinan Vllasaliu dhe Robert Berisha. Nga ora 21:00 | Festa në pjesën VIP Pas programit të Kuvendit dhe koktejit, festa vazhdon në pjesën VIP, e dedikuar vetëm për anëtarët e RRBSH-së.

Informacionet e aktivitetit

• Data: 28 nëntor 2026
• Ora e fillimit: 18:00
• Vendi: Vanha Ylioppilastalo, Helsinki
• Artistët: Sinan Vllasaliu dhe Robert Berisha
• Organizatori: Rrjeti i Bizneseve Shqiptare në Finlandë (RRBSH)

Ju mirëpresim!

RRBSH fton anëtarët të bëhen pjesë e këtij takimi të rëndësishëm, për të diskutuar për të ardhmen e organizatës dhe për të kaluar së bashku një mbrëmje festive në shoqërinë e komunitetit shqiptar të biznesit në Finlandë. Së bashku më të fortë!